الحسين نهج...بقلم الشاعر " خضر خليفه "

الحسين نهج
احكيني عن كربلا احكيني
عن الطف وآهاته الحزينه
عن ليل اسود طال ساعاته
عن تاريخ لا نسيته ولا نسيني
عن سبط  نبي رضع ريقاته
عن نسل الطهر والقدوه الامينة
عن سر خالق انخلق جواته
الكنيه حسين والاسم يكفيني
احكيني عن نور انزلت اياته
وحي ع النبي بمكه والمدينة
عن علم غرف من النبع ذاته
عن حرارة عشق تعطيني
عن عهد وفا احياه والكل ماتو
عن حجة عالخلق فيها القرينه
ظمآن ارتوى من طهر دماته
ابكّى الانبيا واليوم يبكيني
انتصر عا الظلم بلحظة مماته
حمي دين الله  بالدم تا يحميني
صرخ صوته بوجه الذل هيهاته
عالظلم ثورة  تا ابقى ع ديني
شموخ التحدي وكبريا بابياته
اسلم يا دين ويا سيوف خذينى
يا عيني ادمعي تواسي دمعاته
يا نفس ذوبي بالعشق الحسيني
 واثبتي عالنهج قبل تكفيني
خضر خليفة