كمل جميلك ...بقلم الشاعر أندرو فرج "

كمل جميلك

عم مصيلحي متعصب بمنديله
أمله في بكره الحظ هيديله
أصل عم مصيلحي آخر جيله
عايش من زمان وله مواويله
وكل إللي يجي يعظمله ويحيله
وعلي الراس ممكن يشيله
يروح واحد وييجي غيره
يقول هو ده هيطعمنا خيره
عمي مصيلحي يا عيني عليه

عمي مصيلحي راجل فلاح
واخد غيطه سداح مداح
راجل بسيط وعايشها بافراح
ورا بهمته ينسي الجراح
والناس فكراه عايش سواح
عم مصيلحي يا عيني عليه

عم مصيلحي يا عيني عليه
بردوا بيسأل بكره شكله إيه
حلم يتساوي بأقل بيه
ولا هيفضل يتش ............
مغضوب عليه
عمي مصيلحي هاتف يناديه
كمل جميلك حلم وهنبنيه
لبي نداه وعمل الل عليه
عمي مصيلحي يا عيني عليه

عمي مصيلحي راجل غلبان
بس متنور
حلف ميت يمين علي غيرك
ما هندور
أبقي عارفك علي غيرك
ماهدور
أنا حبيتك وهتهور ليه
عشرة سنين وطبعك اخدنا
عليه
راجل زين والحمل اترمي
عليه
عمي مصيلحي يا عيني عليه

عمي مصيلحي ركب حماره
وقال هديه صوتي ومعاه
هكمل مشواري
يمكن ظلام ليلي يطلعله
نهاره
عدي كمان واخد وياه جاره
لقاه هايج طفاله ناره
قاله دبكره هييجي استقراره
ماشي معاه يكمل حواره
كمل وقاله وطن كبير وما نعرفش
أسراره
شوف كام وطن إيه جراله
قاله طيب والمم وكمان اسعاره
رد مصيلحي من ناحية كارو
كرم عنب والتعلب جاره
كان هياكله ولا هطول العنب
ولا حتي تلحق عصاره
عمي مصيلحي يا عيني عليه

عمي مصيلحي قال صوتي
أمانه
هديه للي بدأ ويانا
ال أخد التار ورفص عزانا
ومش هننكر أنه حفظ دمانا
عمي مصيلحي ماشى ينادي
ياللا تعالا يا أبونا أطلع يا مولانا
كمل جميلك ياللا ويانا
عمي مصيلحي يا عيني عليه

عمي مصيلحي كمل جميله
وقعد في غيطه مستني
الخير يجيله
يشوف مصر حبيبته خضره
وفرحانه
ترجع تفرح الناس الغلبانه
ويموت فرحان ويحصل جيله
عمي مصيلحي يا عيني عليه

                      كلمات أندرو فرج
                         عاشق نيلها
                      27/3/2018