بقلم الشاعر " عز الدين جبريل "

ارفعى ايدك لفوق
 وادعى على لو انا ظالم
 انا اللى طويت قلوعى
 ورسيت على شطك
 والقلب بيكى بيحلم
مشيت دربى على شوكك
حلمان لو عيونى تشوفك
والقلب هيمان ومستنى
 لحظه تبقى قريبه منى
لما شفتك لقيتك حد تانى
حد ظالم وكمان انانى
فتحت عينى لقيتك
على الطريق رميانى
وانا بحار وبعيد عن المرسى
فضلت اتلمس طريقى
بايدى مابين عميان
وانا قلبى بيترعش وخايف
طلع حبك اكبر جبان
ومش عارف اقول
 الله يسامحك
ولا اقول الله يسامحنى
انا اللى قتلنى الهوى
 والحب دبحنى
مين فينا اللى يرفع
 ايده لفوق
ويدعى على التانى
ياللى قلبك حجر
 واحساسك انانى
الشاعر/عزالدين جبريل