(الارز)بقلم الشاعر " خضر خليفه "

الارز
ياارز الباروك  و جبل صنين
بالقلب  انت ولنا شعار
غصنك صلب ما بيلين
عتي عالتلج وعصي النار
ما قِدرعليك غدر سكين
ولا عليك قِدر منشار
بحما الله عينين سهرانين
لبيحموا  الارض منا كتار
شمخت للسما عالي الجبين
زرعت الارض عز وانتصار
واذا الاعدا نسيوا نحنا مين
تاريخنا شاهد  مكلل بغار
ما نسينا عِزنّا بتشرين
ولا نصرنا بتموز ولا تحرير ايار
نحنا ب عرضنا ما منستهين
ولاارضنا نزهه ولا مشوار
الارزه منحمي وشجرة التين
جيش وشعب الكل مغوار
واذا حدا جرّب يهين
 وتقّل الدم مِنزين
و قد الوزن منحط  دمنا عيار
 خضر خليفه