صوت جراس بقلم الشاعر زياد عقيقي

صوت جراس...
وحامل وجّي
التعبان من سنين بعاد...
وجّي البطّل في لو رهجة
وعم دوّر ع وجوه جداد
برمت بلاد
وصرت مهجّي
كلّ وجوه ... بتاني بلاد
ورح يخلص صندوق الفرجه
ورح يخلص موسم العياد
ومش مسترجي
غيّر وجّي
ولا مسترجي زيد عياد
 ولا مسترجي فجّ القجة
الملياني فتافيت رماد
وقّعتو لوجّي ع الدرجة
شو غنّى قلبي ...
بلا وجّي
وشو فرحو الولاد
... بوجّي
وراحوا...ضيّعتن الولاد !!!