بقلم/ محمود العوض ....... كبير ياوطن كبير

كبير ياوطن كبير لاتبكي ياكروم العنب الظلم مايدوم 
جونا غدر بطلوع الفجر خفافيش الظلام 
بكل فخر الأم السورية بنت الجبل حملت 
سلاحا بوجه الأرهاب لتحمي
ولادها وحفادها
كبير ياوطن كبير
كروم العنب تبكي وتنادي
وين الغوالي راحو وتركو الزوادي
رجال الجبل ع الضيم ما تنام
سيوف مرفوعة دوم بوجه الأعادي
ومضافات مزينة برجالها
وشاعر ربابي ينشد بأفعالها
ياويلو الأرهاب يتجرأ يوصل
ع سويدا ويدنس ترابها رح
نربطو بحبلة ونسحبو بطرقاتها
ونعلق مشنقتو فوق جسورنا وقواصنا
نحن أولاد وأحفاد سلطان باشا الاطرش
يلي قال ماتنام عين ومحتل فرنسي
ينجس ترابها
نحن بني معروف ع ظلم مامنام
مزال في ضربات شريان دم ينبض
برجالها نرد العدا بسلاح وسيوف
بأرض سورية الأسد نرد عنها العدا
من شرقها لغربها لجنوبها لشمالها
وكل البلد أيد بأيد
مع حماة الوطن
كبير ياوطن كبير
ياجبل ميهزك ريح
ياوطن الله يهلك عداك
ويقويك عليي بعاديك
نحن ياوطن
بروحنا وبدمنا نفديك
كبير ياوطن كبير
إهداء لأمهات الشهداء الأبطال 

 شعر محمود العوض