قصائد قصيره 55 ***
*********
اجمل ما في عيونك
أن انتي عارفاني
طول عمري مجنونك
وهواكي بستاني
*********
انا نفسي
أطير واجيلك
واديلك
قلبي ف ايدك
وابنيلك
قصر ف قلبي
متظبط
على مواعيدك
واكتب لك
شعر بقلبي
وتقولي كمان
وازيدك
*********
لسه القمر مخنوق
ماعرفش مره يفوق
ازاي يا قلب الحجر
صايره البنيه سوق
*********
لسه القمر مخنوق
والبنت موؤوده
والموت ينادي بنيه
لسه مولوده
*********
مين اللي قال البنات
تسكن في وادي السكات
والجهل يكتم نفسها
من االميلاد للممات
*********
ليه؟! لأنك ناويه ع الابداع
وبحر هواكي مش خداع
وف عنيكي جمال يحبي
فلا تخبي ..وداع يا صداع
*********
عودي يا شمس الوحده عودي
خللي الضحكه تعم بلادي
مهما تكون الضلمه شديده
ايد على ايد وتعود امجادي
*********
الخوف سكن قلبنا
وخفنا من حرب القرود
بدأنا نقتل بعضنا
وصالحنا اعدائنا اليهود
*********
بقلم السيدابوطاحون
ليست هناك تعليقات:
إرسال تعليق