ياشاعره *** بقلم السيدابوطاحون

ياشاعره  *** بقلم السيدابوطاحون
*********
ياشاعره
لما القلم يكتب جمال
فاق الخيال
وانتو ف خصام
يبقى الخصام
احلى كلام

كتبتي كيف
برموش عيونك
والدموع
 ولا بالايد الشمال
ولا انت شربتي القلم
سيجاره محشيه حمام
ولا انت نيمتيه في حضنك
والدفا خلاه في ايدك
كالعجينه اللينه
فقام يزيدك
واستقام

ياه ع العيون الحلوه
لما تسالني ب حياء
والليل بيهرب
في الظلام
لو سمحت
الساعه كام

ولا الحنان
لما يبان في البسمه
ويهد الخصام

معقول يا بحر
ديتك كلمة غرام
وتنام
كما البنت الشهيه
ف يوم زفافها
انسجام
آخر تمام

والنقطه
 فوق الحرف او تحته
بتهز السكوت
نبوت يفوت
على بيوت النكد
( وعشان مافيش
حب يموت ..
يبني قصور الانسجام )

تعظيم سلام
سيدنا القلم
اللي في صلحه
 والخصام
رغم الالم
إبداعه دام
*********
#ياشاعره
#السيدابوطاحون
#الأخنوم