ختيار ع بواب الدني
شفت الشعر ختيار
مضيّع صابيعو بدنقة العتمة
شفافو ملانه غبار
وما في ع شباك الحكي نسمه
عندو حكي ..وخبار
وفي عنكبوت مخيّط الكلمه
شفت الشعر ختيار
بقفوة رصيفك يا زمن مرمي
ململم ع حالو..
مسيّج خيالو
وميّة صبي عم يرشقوه حجار
وميّة ألف آهات ببالو
بس الزمن قهّار...والعتمه
مية صبي عم يرشقوه حجار
ميّة صبي عم يرشقو الختيار
وما في ع دربك يا زمن... زلمي
***
+بدكن شعر؟!
-كان الشعر
+بدكن قصايد من سما؟
- أيا سما ؟!
كانت سما وقمار
اليوم الدني غير الدني
زتوا الورق للنار
زتوا المحابر والحبر
اليوم الدني صارت شبر
برمنا الدني ع زرار
اليوم الدني عن ولدني
أيا شعر أيّا وجع وخبار
كانت دني ونتعلّما
كانت دني عم نحلما
مشّي معي ع السينما
مشّي ت نرقص وين ما
بدو الخصر ينهار
خصرك قصيدة هيّنة
خصرك قصيدة ليّنة
خصرك قصيدة مبيّنة
ما في لها زنّار
أيا شعر ؟ أيّا وجع وخبار
مرحبا يا شاعر الشعّار
بعدك ع درب العين؟؟؟
جرفو العين ... وفتحو محلاّ بار
سكبلك كاسين وقفّين
تطلّع فين
شبيبات عينك تمحين
حيف علين
كل يوم لون بعينين
شكّوا حلق بدينين
شكوا خرز بعينة المنخار
نتفوا اجرين
خصرن وطي أربع خمسة اشبار
وبعدك عم تقلّن شعر؟!!!
أيّا شعر؟؟؟ خبي الشعر بجرار
ريتو ببعضو يكسّر الفخّار
هيدا زمن غير الزمن
هيدا زمن ... متلو زمن ما صار
خلّيه بالعتمه الشعر
ريتو الشعر ما يشوف هيك نهار
***
وعم يرشقوا الختيار
مية صبي عم يرشقوا الختيار
بحجار..مش من حفّة مبارح
بحجار ..
ما مرقت ببال حجار
وما في ع دربك يا دني زلمي
ت يسمّعن كلمه
ت يكشّتن ..
ت يقشّطن من إيدهن الحجار
ما في ع دربك يادني زلمي
ت يساعد الختيار
تا يغمرو بهالمشهد الجارح
تا يحملو ..عا خيمة مبارح
ت يرجّعو لهاك الزمان الطار
وهيهات ترجع يا زمان نهار
هيهات يرجع عزّك المنهار
هيهات يا مجد الحبر
هيهات يا سكرة شعر
يا دمعة الخمّار
هيهات ي الكان لإلك طلّة ملك
وكانوا الناس كبار
كان الشعر تاجو ألف غيمه
...كانوا الناس كبار
هيهات يا جبران ..ونعيمه
هيهات يا جلنار
كانوا الكبار ..كبار
هيهات يا ليالي السهر
تحت العريشة والقمر
هيهات شو يحلى السفر
والحلم والمشوار
ونسافر نقطّف صور
كنا بشر
كانوا القمار قمار
واليوم صرنا ع القمر
صرنا عم نبيع القمر
والمتر ع الدولار
***
واليوم صرنا ع القمر
ختير زمانِك يا دني
وصار الشعر ختيار
وميّة صبي عم يرشقوه حجار
ميّة صبي .. وما في نبي
يردّ الزمان نهار
مية صبي وما في نبي
يحمل وصايا الموهبه
يشتّي عليهن نار
ميّة صبي ..
وطالع نبي
صوتو نهر هدّار
طالع نبي حامل عصا
تا يضرب التجّار
حطّم صنامن..خزّق خيامن
هرّبلن من الليل إيّامن
ولّعلهن ضوّ الشمس
صاروا بتاني نهار
***
من وين جايي هالنبي؟
وينو ربي وكيف صار؟!
طلّ النبي .. من الموهبه
وروحي يا هالدنيي اشربي
الحبر اشربي
زهّر الحبر جرار
هاتو القصيده من الخبي
هاتو القصيده مدهّبي
وزتّو الجرّه ع الصبي
هاتو القصيده مدهّبي
وزتّوا الجرّه عالصبي
راجع زمان الغار
زياد عقيقي2009
شفت الشعر ختيار
مضيّع صابيعو بدنقة العتمة
شفافو ملانه غبار
وما في ع شباك الحكي نسمه
عندو حكي ..وخبار
وفي عنكبوت مخيّط الكلمه
شفت الشعر ختيار
بقفوة رصيفك يا زمن مرمي
ململم ع حالو..
مسيّج خيالو
وميّة صبي عم يرشقوه حجار
وميّة ألف آهات ببالو
بس الزمن قهّار...والعتمه
مية صبي عم يرشقوه حجار
ميّة صبي عم يرشقو الختيار
وما في ع دربك يا زمن... زلمي
***
+بدكن شعر؟!
-كان الشعر
+بدكن قصايد من سما؟
- أيا سما ؟!
كانت سما وقمار
اليوم الدني غير الدني
زتوا الورق للنار
زتوا المحابر والحبر
اليوم الدني صارت شبر
برمنا الدني ع زرار
اليوم الدني عن ولدني
أيا شعر أيّا وجع وخبار
كانت دني ونتعلّما
كانت دني عم نحلما
مشّي معي ع السينما
مشّي ت نرقص وين ما
بدو الخصر ينهار
خصرك قصيدة هيّنة
خصرك قصيدة ليّنة
خصرك قصيدة مبيّنة
ما في لها زنّار
أيا شعر ؟ أيّا وجع وخبار
مرحبا يا شاعر الشعّار
بعدك ع درب العين؟؟؟
جرفو العين ... وفتحو محلاّ بار
سكبلك كاسين وقفّين
تطلّع فين
شبيبات عينك تمحين
حيف علين
كل يوم لون بعينين
شكّوا حلق بدينين
شكوا خرز بعينة المنخار
نتفوا اجرين
خصرن وطي أربع خمسة اشبار
وبعدك عم تقلّن شعر؟!!!
أيّا شعر؟؟؟ خبي الشعر بجرار
ريتو ببعضو يكسّر الفخّار
هيدا زمن غير الزمن
هيدا زمن ... متلو زمن ما صار
خلّيه بالعتمه الشعر
ريتو الشعر ما يشوف هيك نهار
***
وعم يرشقوا الختيار
مية صبي عم يرشقوا الختيار
بحجار..مش من حفّة مبارح
بحجار ..
ما مرقت ببال حجار
وما في ع دربك يا دني زلمي
ت يسمّعن كلمه
ت يكشّتن ..
ت يقشّطن من إيدهن الحجار
ما في ع دربك يادني زلمي
ت يساعد الختيار
تا يغمرو بهالمشهد الجارح
تا يحملو ..عا خيمة مبارح
ت يرجّعو لهاك الزمان الطار
وهيهات ترجع يا زمان نهار
هيهات يرجع عزّك المنهار
هيهات يا مجد الحبر
هيهات يا سكرة شعر
يا دمعة الخمّار
هيهات ي الكان لإلك طلّة ملك
وكانوا الناس كبار
كان الشعر تاجو ألف غيمه
...كانوا الناس كبار
هيهات يا جبران ..ونعيمه
هيهات يا جلنار
كانوا الكبار ..كبار
هيهات يا ليالي السهر
تحت العريشة والقمر
هيهات شو يحلى السفر
والحلم والمشوار
ونسافر نقطّف صور
كنا بشر
كانوا القمار قمار
واليوم صرنا ع القمر
صرنا عم نبيع القمر
والمتر ع الدولار
***
واليوم صرنا ع القمر
ختير زمانِك يا دني
وصار الشعر ختيار
وميّة صبي عم يرشقوه حجار
ميّة صبي .. وما في نبي
يردّ الزمان نهار
مية صبي وما في نبي
يحمل وصايا الموهبه
يشتّي عليهن نار
ميّة صبي ..
وطالع نبي
صوتو نهر هدّار
طالع نبي حامل عصا
تا يضرب التجّار
حطّم صنامن..خزّق خيامن
هرّبلن من الليل إيّامن
ولّعلهن ضوّ الشمس
صاروا بتاني نهار
***
من وين جايي هالنبي؟
وينو ربي وكيف صار؟!
طلّ النبي .. من الموهبه
وروحي يا هالدنيي اشربي
الحبر اشربي
زهّر الحبر جرار
هاتو القصيده من الخبي
هاتو القصيده مدهّبي
وزتّو الجرّه ع الصبي
هاتو القصيده مدهّبي
وزتّوا الجرّه عالصبي
راجع زمان الغار
زياد عقيقي2009
ليست هناك تعليقات:
إرسال تعليق