الغربة
يا غربة كتيير بس هالقد(ي)
ع جناح الطير لبعيد بتودي
بتسرقي منا احبابنا الحلوين
الغياب بيطول والايام بِتعِدي
رغم القساوة فيك الناس شايفين
بصيص نور فيك بايام مسودة
صرتي الامل و طموح الطامحين
بزمان القهر والكفر و الرده
شوفي ع بواب السفر ناطرين
قدام القناصل بيناموا بلا مخده
معهم قرشين كانوا مخبين
قرش ابيض ليومهم لمصدي
ع وطن تاني يفتشوا رايحين
يمكن ع اكتر رحمة وموده
بالوطن ما لقوا فيها تخمين
وما شافوا غير وضع متردي
وكل ما فتحوا باب متاملين
بيلاقوا الباب مقفل بسدة
الغربة النيه بيحلفوا يمين
ودمع الفراق غافي ع الخد
بتمر الايام والبعد والسنين
بتطول المسافة وبتبعد المدة
بيكبروا ومعهم الشوق والحنين
والصغار بيصيروا من عمر جدي
فتوة شباب تركوا الوطن يافعين
منردهم ع ارضهم يمكن شايبين
اذا قدرتي يا ارض الهم تردي
خضر خليفة
ليست هناك تعليقات:
إرسال تعليق