دور زوايا...بقلم الشاعر " خضر خليفه "

دور زوايا
لما تحكم شوف من عدة  زوايا
بتلاقي قصص  بتحكي  حكايا
تمعن منيح  و فكفك اسرار
بيظهرالمستور بتكشف  خبايا
الشيب بمنظور البعض ختيار
العمر ناخر  عظامه القوايا
وتجعيدة  جبين  من دهر جار
مجعلك ايدين  مدوب خلايا
ناس بتشوف  بغير منظار
بتحكم  بالعقل مش بالنوايا
 حكمة ومعرفة الشيبة وقار
جبلها الدهر عجنتها البلايا
 خبزها العمر من دون نار
شعت نور يخترق المرايا
البنت بالفطرة بتلفت الانظار
بنظرتين منحاكي الصبايا
شهوة جسد ما بيغمضلها اشفار
بتعبّي العينتين  وزر و خطايا
وقلب صافي ما حِمل اوزار
 بالعين ست واخت وام البرايا
سلاح جندي  بيخوف كتار
جريمة وقتل رصاص وشظايا
بشوفه  دم  وكف ع خط النار
حامي الارض والعرض والسرايا
الحقيقه نسمعها  بعدة  اخبار
المستور منها  بيوازي العرايا
منعرف  منها وجهين امرار
ان حبيت  شي يوم تختار
اعمل زووم  دور بالزوايا
خضر خليفة