فراق...بقلم الشاعر " خضر خليفه "

فراق
محروسة الدني من واحد  احد
من ساعة هالكون  ما  نوجد
حدد  عمر البشر وحط  مده
البدايه ولاده وع الموت اكد
شفت الموت نايم عا  مخدة
مطروح  ع فراش ابيض  ممدد
نطرت الامل يمر من حدي
بصيص من خرم باب اترصد
بكيت وعيني دمعت  ع خدي
غصيت والدم بعروقي تجمد
رحلت بكير نصيبك هالقده
القدر مكتوب والعمر محدد
حملت زواده بتِكفِي وبتّقدي
بمحبة الكل والايمان متزّود
 صورة تبّكي كتير  مسودّه
الفرح هجرها البرواز اسود
يا ربي بدعيلك رافع  بيدي
زيح عنا الهم والغيم ل تلبد
هون مصابنا  ورحمتك  ودي
خفف عنا الحزن  والشده
ارحم برحمتك خي  محمد
خضر خليفة