لاتحلمي...بقلم الشاعر " خضر خليفه "

لاتحلمي
حزن ودمعة وخد مبلول
حسرة وقهر بالهم مجبول
عيونك باكيه ملوعه  كتير
بلا حكي بتحكي جواتها تقول
بتحكي غربة وطن غربة مصير
و غياب بسمة وقلب مقفول
تنهيده مع شهقة وزفير
بسجل الشكاوي ضد مجهول
اف اف نفخات تعمل دواوير
تنفخ هموم ياريت ما تطول
ياريت بيوعى الحي الضمير
ياريت  القهر والعذاب بيزول
يا ريت نخلص من التعتير
 ورعب الفقروسيفه المسلول
عيونك  الشارده عم تستجيير
ع باب الامل تنشد حلول
احلمي و لا تتأملي بعد بكير
 عيب  مش مسموح و لا مقبول
تحلمي  لو بيت متواضع فقير
بكسرة  خبز وثوب  مغسول
حلم الاكابر للاكابر عليك كبير
مش الك هيدا الحلم للمسؤول
الحلم بدو مخدة بدو سرير
ونومة مريحة ع فرشة حرير
حلمك بيخالف الاعراف والاصول
خضر خليفه