قصائد قصيره 34....بقلم الشاعر " السيدابوطاحون "

قصائد قصيره 34    *** بقلم السيدابوطاحون
*********
طب اعمل ايه
وأنا قلبي ف ايديكي
كتاب مفتوح
بمرور عنيكي
كل الحروف بتبوح
والروح
تسلم نفسها للروح
همسة حنين
تداوي كل الجروح
*********
وكيف أقدر أغيب عنك
يا ساكنه نبض  موالي
وفني حته من فنك
يا فرسة عيني وخيالي
*********
فتح الربيع قلبه
مليان عيال حلوين
داخلين على دربه
ع الحب متعاهدين
*********
ويفضل وردك الغالي
يغني ف قلبي وف بالي
يدوب في حضرتي عطرك
واحس الدنيا جيالي
*********
اه من عيونك سحراني
في كل حته ملازماني
وأنا نايم وانا صاحي
عيني على الشط التاني
*********
ااااااااااااه
من هواكي
اللي غزاني
وطار بي
للبر التاني
*********
بحبك   يا مجنونه
وأنا بحبك مجنون
انا شفت كتير وكتير
ما لقيت مثلك في الكون
*********
قلبي لما ينام ويسيبني
وحدي للشك يعذبني
القمر نازله دموعه
والفراق يهدم ما يبني
*********
لسه الضحكه بترن
والقلب جميل بيحن
فرحه قلبك على وشك
دا اكيد ...
مش بس اظن
*********
يجعل صباحك هنا
ياللي عيونك براح
وردك حبيب الندي
والقلب طيبه وسماح

*********
بحبك  بموت فيكي
ولما أبص ف عنيكي
اشوف الدنيا بتنادي
وكل الورد في ايديكي
*********
يا حسرتي ع البشر
ما اتعلموش م الغراب
الدرس كان مفتخر
تراب بيأكل  تراب  !
*********
يسعد  صباح القمر
اللي ب عيونه امر
وروي الحنان من جماله
الورد قام وانتشر
*********
#قصائدقصيره 34
#السيدابوطاحون
#الأخنوم