علمني الدهر
الحياة جربناها و جربتنا
ما بين الحلوه والمره قلبتنا
سيره ومسيره وعركة سنين
الدهر ميدان وخبرة علمتنا
تعلمت انه الناس ملونين
فيهم قلوب طيبه عجبتنا
وفيهم متل القمر بوجهين
مشرق وجه متل عتمتنا
تعلمت ان اليالي لمعتمين
ما يحجبوا ضو شمعتنا
والارض فيها الحب الدفين
بينبت شمائل قمح بحقلتنا
تعلمت البسمه كلمة بلا تنوين
بالعين منفك حرفها بتبسطنا
و الجمال مش عينين حلوين
ولا قامة برشاقتها جذبتنا
والريش عالطاووس مزينين
شو نفعها ان ما دفتنا
تعلمت اته القلوب المليانين
اخلاق ومحبه فيها ملكتنا
وان الكلمة السيئه بتهين
متل طلق رصاص قتلتنا
تعلمت والدهر علمه يقين
مكتوب ع تجعيد جبهتنا
خلاصة وزبدة مجربين
يمكن فيها تستعين
ويمكن ما تعجبك سيرتنا
حضر خليفه
الحياة جربناها و جربتنا
ما بين الحلوه والمره قلبتنا
سيره ومسيره وعركة سنين
الدهر ميدان وخبرة علمتنا
تعلمت انه الناس ملونين
فيهم قلوب طيبه عجبتنا
وفيهم متل القمر بوجهين
مشرق وجه متل عتمتنا
تعلمت ان اليالي لمعتمين
ما يحجبوا ضو شمعتنا
والارض فيها الحب الدفين
بينبت شمائل قمح بحقلتنا
تعلمت البسمه كلمة بلا تنوين
بالعين منفك حرفها بتبسطنا
و الجمال مش عينين حلوين
ولا قامة برشاقتها جذبتنا
والريش عالطاووس مزينين
شو نفعها ان ما دفتنا
تعلمت اته القلوب المليانين
اخلاق ومحبه فيها ملكتنا
وان الكلمة السيئه بتهين
متل طلق رصاص قتلتنا
تعلمت والدهر علمه يقين
مكتوب ع تجعيد جبهتنا
خلاصة وزبدة مجربين
يمكن فيها تستعين
ويمكن ما تعجبك سيرتنا
حضر خليفه
ليست هناك تعليقات:
إرسال تعليق