وجه أمى ....بقلم الشاعر " محمود درويش."

وجه أمى
............
أين أنت ياوجه أمى
في صباحى وفى مسايا
أبحث عنك في الوشوش
وجه صافى وجه دافى
وجه مالياه الطيبه بشوش
وجه أمى غير كل الوجوه
تشوفه مره أبداً ماتنسهوش
أمى وطن أرضه مزروعه حنان
أمى شمس لو أتبسمت
 تملى بالضى المكان
أمى سماها صافيه
 نجوم وقمر هدى للحيران
نبع هادى وسط الصحراء
 سلسبيل يروى العطشان
بين أيديك أتعلمت أحبوا
 ومن حروفك نطقت الكلام
في الطفوله بتراعينى
وفى صبايا كنتى حارس لوسهرت أوأنام
حبك يأمى أبتدى من لحظة ميلادى
 حب صادق مش كلام
حب نابع من وجودى
حب موصول من وريدك لوريدى
أمى ياضى عينى..
 ساكنه في دمى وتكوينى
لما بزعل بتراضيى
ولما بمرض بتداوينى
أمى ياكل الأمان
 أمى يانبع الحنان
فجاءة غبتى عنى ياما
مش لاقيكى في الوشوش
لسه محتاجك يأمى
 الحنان في غيابك مالقيتوش
وحشتينى يأمى ومش لاقيكى
 وحشتنى لمسة أيديكٍ
وحشتنا اللمه معاكى
 وحشتنا اللهفه في عنيكى
ولحد أمتى يأمى..؟
 في الوشوش بدور عليكى
أين أنت ياوجه أمى....؟
............م/محموددرويش..........