بقلم الشاعرة " ملك محمود الأصفر "

هذه القصيدة هدية لإبن شقيقي الشاب حمزة الأصفر بمناسبة الزفاف وهي باللهجة العامية الشامية بعنوان ...علوا الزينة وضووا النور ...
فألف مبارك وبالرفاء والبنين ...
....................................................................................
هاتوا العطر والبخور
والورد بكل الألوان
وافرشوا هالأرض زهور
تا يمشوا عليها العرسان
حمزة الأصفر هوة الزين
وصبا عليا ست النسوان
الله يبارك بالقلبين
ويصير الفرح ألوان
.................
علوا الزينة وضووا النور
وضحكات وفرح وسرور
اجتمعت كل الحبايب
وصبايا بتهز خصور
والكل جاية تا يهني
والدبكة بالصالة تدور
وأطيب قهوة عربية
وأنغام وباقات زهور
.................
قوموا تا نزف العرسان
ونغنيلن غنية
ونطير سرب الحمام
مع عراضة شامية
وندعي من القلب ونقول
عقبال العزابية
ويضل الفرح عمران
وتفرح كل الأهلية
.................
أبو معتصم نور العين
الليلة نحنا زوارك
افتح بابك عالميلين
وعلي الزينات بدارك
بدنا نسهر كل الليل
تضوي علينا بأنوارك
ونرقص كل الحلوين
ونسمع نغمة أوتارك
................................
د. ملك محمود الأصفر