عيد المعلم ..بقلم الشاعر " خضر خليفه "

عيد المعلم
زوادتي  لو حط  الدهر او جار
عشرون وثماني من الابجديه
مسطره ومحايه وبيكار
دفتر وقلم وشنطه مدرسيه
يا دوب نحكي كنا  صغار
نلثغ الحرف وعقولنا طريه
ما بنسى صورة اول نهار
ولا بتغيب عن بالي الخبريه
الف باء بلشنا المشوار
معلمه بتنطق الحرف بحنيه
تا يعلق بعقلنا اعاده و تكرار
وصار عنا  الحرف غنيه
حكينا  كتير ورح يحكوا  كتار
جاي اليوم اشكر ناس منسيه
واستعير من حرفه واكتب اشعار
عربون  شكر ومحبه هديه
وهني انسان عالحرف غار
العلم عنده رساله ومسؤوليه
استاذ قلبه بالعطاء مدرار
حكم ضميره صفى النيه
عطي كتيرمعرفة وافكار
بيستاهل نذكروا بآذار
بكلمتين شكر عيديه
خضر خليفه