بقلم الشاعر " شاكرمحمدالمدهون "

أيه غير الحب لو نحسبها
يبقى لنا في كل الأحوال؟
الحب ايده طايله وبيغير
قلوب الناس
وبيغير أحوال الدنيا
وبيحمي من غير حراس
بيخليك صاحي دايما
ولو نامت عيونك
بخلي فيك الأحساس
بيغير طعم الدنيا
المر بيبقى أحلى من السكر
والناقص يبقى زايد
وبيعمر بيوت خاربة
لو كانت من غير أساس
الكلمة بتصير شمعة
والشمعة بتصير نجمة
والدمعة تبقى بسمة
لو نعرف نزرع أراضينا
تتعمر وتنسج أحلامنا
كلمة أخلاص
الحب مهوش كلمة عابرة
الحب مشاعر صادقة
ايد بتعمر وعيون تحرس
وسنابل قمح في كل حبة
ميت حبة تنبت بمحبة
في قلوب الناس
----------------
شاكر محمد المدهون