الواسطه...بقلم الشاعر " خضر خليفه "

الواسطه
رح احكي كلمتين بالتركي
 ما بدي  الناس تكون  فهماني
بعرف قديش سهرت تبكي
 ناموا الكل وعينيك سهرانه
القمر وانت والليل شركه
ع صفحات بحروف ميلانه
عجقة كتب ودروس زركه
ع ضو  شمعه نص ولعانه
تكتب ,تحفظ وتحل حبكه
وافكارك فوق لبعيد سرحانه
ملبك متل فرخ سمكه
خارج المي خيفانه
عمر فنيت ع درب هالسكه
تحصد نجاح تقدير وتهاني
اخرها بتصير  بياع علكه
بترحب بزبون بتفتح قناني
 لو شي يوم قررت تشكي
بدك واسطه كتير حرزانه
لوبكيت و غصيت بمية حسكه
 وحدها الواسطة بتحكي
برّوز  شهايدك بالخزانه
خضر خليفه