(امي)بقلم الشاعر "خضر خليفه "

امي 
جيت ع بيدر در ومرجان
غّربِل حروفي ونقّيها
وتوّجها القوافي  تيجان
اكتب فيها قصايد وغنّيّها
غصت بحور الشِعر والخِلجان
فتِش عن كلمتين ت كافيها
جيت عالنّص حِط عنوان
ونقّي اسم من اساميها
قلمي ارتبك و الحرف عاللسان
حيران كلمتي ما قدرت كفّيها
 احترت شو بكتب تكافي انسان
بتشيل من روحها لتعطيها
غمرة قلبها بالحُب ملّيان
لو كنت  بردان ضلوعي تدفيها
ربتّني برمش العين بحفظ وامان
عطيتني كتير وما قدرت اعطيها
طَهَاره وصبر متوجه بايمان
عجز الصّبر يفهم تفانيها
بناديها  ماما, روحي او نَبِع الحّنان
 اي لقب او عنوان بتحِب سمّيها
وَقّفت ع اول حرف حيَران
ركب حروف الاسم ل ناديها
رحت اتصفح  الانجيل  والقرأن
نفّضّت غِبار دفاتر كِنت ناسيها
فلفشّت التاريخ بِكل ازمان
اي اسم رب الكون عاطيها
سألت شِعّار الزّجل والأوزان
وكًتّاب الروّايه وقاريها
أستشرت المَعاجِم وعِلم البيّان
فتش عن كلمة  ترضيها
ثلات حروف رجّحُوا المّيزان
حِملِت صفات الأمومه ومعانيها
امي لفظ باركه الرحمن
اسم  منزل بقُرآن
اطهر حروف بتليق فيها
خضر خليفه