(حربوء)بقلم الشاعر " خضر خليفه "

حربوء

دينُهُ المثل بيقول بتخسرهُ ان دينتُو(دينته)
بيزعل ان طالبت بالدين وبينتُو
 طنّش  , عنهُ ما تجرب و تسال
والافضل ان ما سألت عن بيتُو
عيب تطالبُهُ منك بيزعل
 كانك شتمتُهُ و سبيتُو
ع سؤالك جاهز يرد ما بيخجل
حكي و ع حكيه تسليتوا

بيتحلّف منك مني هربان
وحياة هلي  زروتهُ  وحجّيتُو
حقك محفوظ ودينك بامان
بخسر ولادي ان دينك ماسديتُو
شاطر   وما اهون الحلفان
ب الله ب النبي وحياةاهل بيتو
عتبان عليك منك شوي زعلان
للحظه شلت من جيبتك وعطيتُو

وعَد من جديد وعليك بيمون
معليش هيك كتير ذليتُو
بكرا و عالوعد يا كمون
صاحب الجميل مش نصاب بيكون
خحلت تطالبُهُ وما قدرت خجلتُوُ

كل يوم عنده حجه و  روايه
عتبان دفن خالتُهُ ما عزّيتُو
بيوعدك بعد الاسبوع جاي
سجل عندك تاريخ سجلتُو
بعدها باسبوع جدد الحكايه
بكى كتير التهب حنجرتو
رحت الصيدلي أخذ دواي
دوا دفعت حقه  ودوا دينتُو
معليش شوي  اصبر معاي
شربت النهر  وبالساقية غصيتُوا

احتّديت وطالبته بموعدجديد
يمكن هالمرة موعدك وفيتُو
بترجاك عطيني وعد عالاكيد
بتاريخ مناسبه  حدّدتوا
الله ستر لو ما حيد
من عامود الحديد
ول كانوا معي للطبيب اعطيتو

طار الوعد والموعد تأجل
موعد بعيد بعد منها حطيتوا
رجعنا بالقصه من الاول
كل ما مر  تاريخ  ولقيتو
مبارخ خي دولار  الي حول
وبي مبارح عالارض مضيتو
ذهب مراتي سعرهن دوبل
قديش بيجبو لو دولار  حولتو
بيومين بكرا  بتحلحل
بصدق عم يحكي حسيتو

الايام مرت والحكي ذاتُه
موعد الماضي والجديد محيتو
مر العمر  ختيار  صادفته
عم بيهز  وحده ما هزيتو
ظهره حني  وانحيت خرزاته
يوقف مش قادر ولما جيت  هديتو
عرف صوتي وقلبه زاد دقاته
 طبشت ع كتفه وحييتو
وشوشته بدينته وهنيته
شاطر وحربوء سميتو
خضر خليفه