(ناس اجناس)بقلم الحاج خضر خليفة""

ناس اجناس

الدني للبشرمضيف
بشر من كل اجناس
ناس مابتحتاج تعريف
وناس مابتنحسب عالناس
وناس همها فخفخة و تشريف
وناس للتشريف مقياس
فيها تنك والمعدنه خفيف
وفيها الدهب واﻻلماس
فيها صاحب الكف النظيف
عالي الجببن رافع الراس
فيها الفاسد واللقب حريف
هادر الحق والكرامة داس
فيها غني النفس العفيف
وغني مال والضمير افلاس
هيدي الدني يا صاحبي بالتوصيف
ناس اوادم وناس انجاس
وناس بدها دعس وناس ايدها بتنباس
الحاج خضر خليفة