(شاشه مشوشه)بقلم الشاعر " خضر خليفه "

شاشه مشوشه
 بين العقل والحلم  طبّع
 صورة مشوشة الفكر طلّع
شوش الفكر والمعدن تغير
 ماعاد وحده الذهب يلمّع
الانسان صار عال فات يتحسر
ناطر اللي راح  تيعود يرجع
  هلي انكسر ما بيتجبّر                     وماعاد مطرحه الجرح يوجع   
 واقعنا مفهوم  جديد سطر                 شقلب  النّصّ والحرف و المرجع                             
مِلح الرجال صار سكر
نصيحة و المشوره  ما بتنفع
زنكيل بعين الناس  بتكبر                   مدعوم من المشنقه بتطلع
وقت الضيق الصديق تعذر
ّو ان شكيت ما له خلق يسمّع
حبل الكذب ما يوم قصّر                    الخبث دايم والمراتب  بيرفع
شاطر وحربوء مش ازعر
لو كان  ملعّب موصّل مقطّع
مال الحرام بيدوم وبيكتر                    قروش فوق قروش  تجمع
 بِتحور وبتدور ع الافقّر
 بترقع قميص اصله  مرقّع
التواضع هبل صار والطّيّب محجّر       
بيقضّي عمره منزوي مقوقّع
ان شي مرة نقشت و  القدر قدّر
وع قمة جبل وصل و تربع
 مع لفح الهوا حلمه بيتبخر                  بيرجع مطرحه ع ذات المربّع
 الظالم فرعن كتير  و تجبّر
      ما انتهى لا باب قصره تخلّع                           
الحقيقة ما بتجرح لا مُرة ولا امّر            ليش نتخبى  خلف اصبع
هيدي الحال وهودي البشر                    المولى فينا  يلطف و  يشفع
اصبر ايوب قبلك تصبّر                      وأنتظِرالموعود المنتظر
 الشمس من الغرب رح تطلع
خضر خليفه