(انا وخيالي)بقلم الشاعر " خضر خليفه "

انا وخيالي
لو بتفك عني يا خيالي
ياريت بتتركني لحالي
وحدي حاكي خيط من نور
شقشق من حيط عرزالي
مع كل طلة نهار بتزور
بتبقى معي لعتم الليالي
وما دام الشمس عم تدور
واقف حدي مصبر قبالي
متل شي عسكري مأمور
خلف نجوم بتلالي
بتدور حوالي وبتحور
عالارض بترسم ظلالي
لا بتقبل وحدي قطف زهور
ولا اتمشى ان حبيت و عبالي
ولا بقدر بوح بسر للطيور
ولا غازل فراشة ع التلالِ
ولا بقدر وقف ع شباك بلور
خلف  ستارة قماش  بتلالي
بتبقى لازق متل ناطور
مخوف عصافير الدوالي
شو بتنفع قلي  وباي امور
لو فيك تجاوب عن سؤالي
او فك عني روح ماجور
تركني بين الحروف مشكور
ارسم قوافي جوا خيالي
خضر خليفه