( الحسن فنك )بقلم الشاعر " فهدبن عبد الله الصويغ "

(((( الحسن فنك ))))

انا  أشهد  أن    الزين  عندك
وإن   الحلى   كله  مقسومك
الورد   لا    مال   راح   يمك
والطير  غنى  لحن   قدومك
أنا  أشهد   إن   الحسن  فنك
ولا   جاك   الغرور  ما ألومك
ربي   كملك   بالحسن    كلك
وكاد عذالك  و كل خصومك
من وين أجيب كلام يوصلك
وانت  فوق  السما  بنجومك
لو الف قصيد اكتب و اقولك
ما توصل يوم لحد منظومك
سبحان  من  عطاك   وأجلك
وخلاني      أعشق   عمومك
ليتك   تكرميني  من  فضلك
بكلمه  قبل  أصير   مظلومك
أنا أشهد إن الجمال  يكتبلك
مثل الكون  ما صار مغرومك
لو   تبين    الشمس   أجيبلك
بس   أحسبيني  من    قومك
بروحي من الحسن  أشهدلك
و أنتظر      منك    مرسومك
القمر لا  بغى  الزين  يطلعلك
يتعب  و لا  يوصل  لكرومك

صائغ القوافي الشاعر
فهد بن عبدالله الصويغ
3-1-2018