(يا عَرَبْ انتوا ملايين)بقلم الشاعر " مصطفى غنوم"

يا عَرَبْ انتوا ملايين
والقُدسْ عَاصْمة فِلَسْطين
لو تجَرّأ وقالها ترامب
خليكم انتوا متْمَاسْكينْ
يا عَرَبْ...
مَطْرَحْ ما عَرَّجْ الرَسولْ
والصَخْرة قَالتْلو خِدْني مَعَكْ
اليَوْمْ خَدّي بِالْدَمْعْ مَبْلولْ
يا قَرَارْ العَرَبْ نحْنا مْنِذْكِرَكْ
اﻷَقْصى يا مِعْرَاجْ الرَسولْ
فيقوا اصْحوا يا ملاَيينْ
يا عَرَبْ...
مَطْرَحْ مَرْيَمْ ما خَلَّفِتْ صَبي
كِبِرْ وصَارْ النا نَبي
ردولي اسْمي العَرَبي
وَيْنَكْ يا قَائِدْ صَلاَحْ الدينْ
يا عَرَبْ التَهَيْتوا بالرَبيعْ
وصَارْ كلّْ شي مِنّا يْضيعْ
شَعبْ تْفَرَّقْ بالكَونْ الوَسيعْ
وصِرْنا كِلْنا نحْنا مْشَرَّدينْ