(بقول إرحل)بقلم الشاعرة " حنان الحسينى "

بقول إرحل
""""""""""""""
خلاص القلب منك مل
تعبت معاك وإيه الحل
لا أنا مرتاح ولا بترتاح
قلبك أمتى راح يعقل
سنين بتعدى يوم ورا يوم
على دمعى بنام وبقوم
ولا مره نداك الشوق
وقلت ليك حبيب او خل
أكيد قلبك دا عمره ماحب
لانافع فيه دوا ولا طب
حاولت ياما أنسى هواك
تغيب وتغيب وتيجى تطل
خلاص مابقتش فارقه معاك
أحبك ولا حتى أنساك
كاس الهوا عليك دوار
ومن تانى بقول أرحل
حنان الحسينى