(بحبك من سنين واكتر)بقلم الشاعر " وليد اﻷصفر"

قصيدة باللهجة العامية المصرية ...
بقلم وليد الأصفر ...
............................................
بحبك من سنين واكتر
ومن يومها وانا شارد ومتعكر
وليلي عذاب واعد نجومه وافكر
هواكي أحلى م السكر
وأمضى م السيوف واخطر
أنا اللي قريت على جبينك وف عيونك حكاوي الحب والنجوى
وكنتي ملاكي ... حلمي الغالي يا حلوة
ملكتي القلب من جوة
وتاه عقلي بسحر عنيكي بجمالك وبحنانك
وسبت الكل علشانك
حلفت بمنزل القرآن .. بإيمانك
هجبلك م الحرير توبك بلون الورد
وكل أساورك الغالية هجيبها من بلاد السند
وغوايشك وخلاخيلك هجيبها كلها م الهند
هواكي بلسم جروحي
وإنتي السعد إنتي الوعد إنتي ف قلبي وف روحي
وعمري كلو كان متعلق ف ردك
وخايف كنت من هجرك ومن صدك
ومش عارف يا روحي ازاي أنال ودك
ولو قلبي رضي بغيرك ... يا حلوة إنتي مين أدك
يمين الله .. أنا ما عشقت من قبلك ولا بعدك .
...................................................
وليد الأصفر