(خيالك عليا غاب،،) بقلم الشاعر"إدريس جبيلو"

خيالك عليا غاب

شوقي ليك عداب
مسهر الگلب بنواحه
كلامي ليك عتاب
حروفه حب بجراحه
انا اللي كتبت الكتاب
ورسلته ليك فصباحه
تسنيتك مارديتي جواب
واش ما قريتي الواحه
همسي مني داب
وهجرني سره وفصاحه
خيالك عليا غاب
واشتقت لخدود تفاحه
ياقمري ياالمسهرني ع الباب
گلي احبابي فين راحوا
توحشت ؤوحشي عليا ساب
الحروف من عقلي تلاحوا
تخربلوا وجاحوا فسراب
فكفوف الوفا(ء) ماحوا
يامهدي لحدي زراب
فقبر الحب عيني ناحوا
مرار صبري فعروقي شاب
وليلي نجومه منه طاحوا
ياقمري يامهاجر المحراب
واش ماسمعتي الادان وصياحه

بقلم ادريس جبيلو
المغرب