(حالي)بقلم الشاعر " ادريس جبيلو "

حالي

سرحت بالي
يبحت فهاد الكون
على سر خيالي
اللي لبس هاد اللون
لقيت حالي
فالحفظ والصون
بين كفوف العالي
اللي مدني بالعون
هزيت عيني للافاق
لقيت راسي بعيد
حنيت لارض الانعتاق
بكيت الغربة فريد
مزوج امرا بلا صداق
مسنسلاني بلا گيد
اطلقني بلا اوراق
واجوارحي ليها عبيد
تسرطني بحال المشتاق
فكرشها نتگدد تگديد
ماعندي معاها فراق
حتى ليوم الوعيد

ادريس جبيلو