**يامصر**بقلم الشاعر " خالد الجمل "

**خالد الجمل**
    **يامصر**
فوق الجبين اسمك
انا شيلو من صغري
منقوش في قلب ودم
مهموم انا بقهرك
الحزن عبا الفرح
والضحكه رافضه الطلوع
ميت انا في جلدي
من الي جرى مصروع
مش طايل الخاين
اشرب انا دمه
حرمني نور عيني
بكفر ولاهمه
راح الضنى الغالي
قولولي ايه ذنبه
يابن الحرام ليه كدا
بتقتل العوزل
لهمك بيوت الله
بكره قريب تنذل
ورصاصك الملعون
ينصب في ودانك
في نار سعير ماتنام
تحيا مع شيطانك
هما باقو في جنه
وانت حطب في النار
والوعد من ربنا
تموت في بركانك
ياصناعة الكفار
ملعون في كل نهار
ومهما يطول الليل
هاتصفى واعوانك
انا حقي جايلي جاي
من غير ماقول ازاي
هحرق معابد شركك
ووطني كله معاي
ووطني كله معاي
****   ****  ****