🌴تغريدةالحكي🌴 ⚘والهوا الأصفَر⚘بقلم الشاعرالكبير " سليم بدير "

🌴تغريدةالحكي🌴
⚘والهوا الأصفَر⚘
وسِكت الحكي ..
ياريح ..
.........وزَمزم هوا الأصفَر .
لاتلعبي بالزيح  ..
..........ما بيخدعو الأبْجَر.
وأحلام حبك كسيح ..
..............مابتشبهي عبلا
وحبال خيطي ..
قطن ..
................بيزملو  عنتر .

وداخت سما الحلوين ..
............من جورِكْ الأكبر.
صاير متل لقطين ..
..............ب عقلك مجوٍر .
وأطفالنا مساكين ..
................ذابو متل سكر .
حرقْتِي زهورالبدن ..
............ب كبْريْتِكْ الأحمر .

بيكفي أنا ترجاك ..
.............ياعاشقي الأسمر .
وبصومعة أشباك ..
.............ممسوس متْحيّر .
رح طير عالأفلاك ..
..............وصلٍي ت إتحرر .
وهونيك جنة عدن ..
.................تحنان متصبّر .

رح نام...
ع نومة وسن ..
........والروح بيضا وحُسُن .
بلكي ..
هبوب الحكي ..
وشهقاتك يابكي ..
............يتكفْكَفْ ويتْعمّر .⚘🌴
سليم بدير⚘🌴