يا حلوة بقلم الشاعر وليد الأصفر

قصيدة بالعامية ... بعنوان ...
يا حلوة ... بقلم زوجي ...
وليد الأصفر ...
.......................................... .
يم عيون اللوزية حالي تعبان
من وقت لشفت عيونك قلبي ولهان
وسفينة عمري كانت من غير ربان
وشراعي كان بدونك من دون عمدان
...........................
يا حلوة اللي زينتي اكليل الغار
الله من عندو صاغك ضمة أزهار
وقلي اسقيها بدموع عيونك واسهار
عليها ما تدبل عندك بتخش النار
.............................
يا حلوة يا غندورة مين متلك مين
كسفتي كل المعمورة وكل الحلوين
حكيت عنكي العصفورة من خمس سنين
وما عرفتك يا أمورة بعب الشربين
..............................
بحبك يا عيوني وإنتي زهرة نوار
وإنتي شمسي والفية ونوري والنار
وكرمالك ترخص روحي وترخص العمار
وتبقي الشمعة المضوية بي صدر الدار
..............................
ياملك الحلوة إنتي ست الحلوين
وإنتي النجمة المضوية ونسمة تشرين
بسأل ربي يخليني وردة ياسمين
تخيم فوقك وتصونك والرب يعين
...........................................
وليد الأصفر