ورد خدودي بقلم ادريس جبيلو

ورد خدودي

مالكي حزينة يالشجرة
ووريقاتك اداهم الريح
لا ضل بقى لا تمرة
والگايلة ماشدت تسريح
النجوم مزينين الگمرة
ولا همس فالودن فصيح
الجلالب بالريوس مغامرة
شي ساكت وشي يصيح
العوافي زاندة جمرة
والقوافي تتناطح نطيح
فين سوالفي السمرة
ؤ ورد خدودي فالشطيح
هربت الليالي الحمرة
وخلاتني فالركنة جريح
مانويت نعنگ الحجرة
وگلبي يتزدح زديح
نبكي ايام الغمرة
الغابرة فاحلام الشيح
الايام لبست النمرة
وخرجت تعاند السفرتيح
كلها وعلاش مشمرة
والعقل خاصه التشريح
يالالة ياديك المراة
شدي راسك لايطيح

بقلم ادريس جبيلو
المغرب