(ياقهوتي السمراء)بقلم الشاعرة الكبيرة"ملك محمود الأصفر "

قصيدة باللهجة العامية ...
بعنوان ... يا قهوتي السمرا ...
بقلمي ...
.........................................
ياقهوتي السمرا ومعطرة بالهيل
يا مبيضة الوجوه حتى بسواد الليل
يارفيقة السمار بالفرح والأحزان
نسقيها للفرسان من فوق ضهر الخيل
......................
من سالف الأزمان قهوتنا بنية
رمز الكرم والجود عادات عربية
منضيفا لملوك وبرضو للأهلية
ونسقيها للخلان ونقدما هدية
......................
شو طيبة قهوتنا برفقة الجيران
وبقعدة بصدر البيت نضيفها للخلان
ساعة صفا بالليل مندور الفنجان
وبكل محبة وود نسقيها للأخوان
......................
ياقهوتي السمرا رح ضيفك للناس
للبيضا والشقرا وأم العيون نعاس
وللي بعتم هالليل مرافقلي نجم سهيل
مع هالقمر سهران إن ميل علينا ميل
...................................................
ملك محمود الأصفر