ناطرك بقلم الشاعر خالد الأعور

..... ناطرك....

نْطَرتك من سنين ترجع وضُمّك
يعلّق على تيابي غبرة غيابك
والموت قبلي باسك وشمّك
مخيّط علم لبنان من تيابك
..........      ...........   ..........
ورجعت جثّة والكفن بالي
مغطّس بريحة مسك العز طرزو
انت غالي والوطن غالي
دمّك سِقي ربوعو وِ أرزو
.............     .........     ...........
حبل الكذب مربوط ب وعودون
يلقف حبالون شريط صبّاطك
واخضَر اسمك ت يِبِسْ عودون
عُرسك يا بيي اليوم المجد حاطك
..........     ...........      ............
محروق قلبي وهيك القدر مكتوب
تْركتو ع صدر الجيش ايقوني
انت ورفاقك زهر ع دروب
قشعت حالي فيك لو شحّت عيوني
..........    ..........   ...........