بقلم الشاعرة"ملك الأصفر"

... قطعة شعرية ....
باللهجة العامية الشامية .... بقلمي ...
بعنوان ... وعدني حبيبي ...
.......................................
وعدني حبيبي بسفرة بحرية
وبسهرة حلوة عالشط يومية
برفقة النجمات وبضو القمر
نسهر أنا وياه لحد الصبحية
................
حبيبي قلبو متل البحر الأزرق
و متل هالمية صافي و متل الزنبق
عايش بقلبي ونورو بقلبي أشرق
و متل الوسن بالعين مغلغل فيي
....................
حبيبي لحظ عيونو سهم وصايب
بيدخل للقلب بيعمل العجايب
هوه بقلبي شهد وسكر دايب
ونسايم حلوة معطرة بحنية
..................
وياربي تبقى يا حبيبي الغالي
تنورلي بيتي على طول الليالي
إنت بقلبي وشو مقامك عالي
وإنت القمر بتنور السهرية
............................................
ملك الأصفر