⚘ياكاس الرجاء⚘
ياسارق رغيف الخبز..
..من صحن السماء
وميةمزاريب الطفوله..
..المتروكه بالعراء
وبعدها المراكز والأختام..
..للعهّار سايبه
من وين رح نشرب ..
..ياوطن كاس الرجاء.
وجينا نقاوم الفساد..
..والحيطان العايبه
وجينا نعلم الأجيال..
..عالمبادي والنقاء.
طلعناأصل الخراب..
..والمفاسد الرايٍبه
وبعدنا منشرب قهر..
.. من نهر الوباء.
وباعو الكرامه بالمصاري..
.. بعقولن الذايبه
وشوبقيلنا من الشهاده ..
..غير نَتْفِةْ كبرياء.
وقلنا ..عبكرا..
.. رح تلمع الشمس الغايبه
ومنخْلَص من الحرامي..
..والمحتال والحرباء.
تاري رح ننام ياشهيد..
.. عادماتك التايبه.!!!.
ومش هيك؟.بتكون..
..الرجوله..بساحات الوفاء.
ياضيعانك ياصدق..بييٍ..
..وروحك الغايبه
وأصوات امي الحنونه ..
والشهيد الصايبه
وبعدِكْ ...
ي أصوْتهن الحق..
............. أمانتنا والنداء..⚘🌴
سليم بدير⚘
30/8/2017
ليست هناك تعليقات:
إرسال تعليق