الف حكاية بقلم الشاعرة لبوة مصطفى

...الف حكاية...
بموسم التوت اللي جاية
رح ذكرك بألف حكاية
كيف انكتب ع جبيني حبك
وانت محيتو بمحاية...
رح ذكرك كيف الحب وعي
فيي وعشقتك بدون وعي
بليلة برد من كوانين
وحضنك كان الي دفاية...
حسيتو لنبضك بصدري
شعلت النار حرقت صبري
أنفاسك صارت غناني حب
و من هون كانت البداية...
هلاء شديت ع الوجع
ناديتك قلبك ما سمع
لفتة من عيونك عليي
قالت هيدي هي النهاية...
رح ذكرك كيف محيت الحب
عن جبيني بكل قسوة قلب
بس انطرني لموسم التوت
بخبرك الباقي من الحكاية...
...عاشقةالورد...