(رثاء)بقلم الشاعر " خضر خليفه "

رثاء
يا حروفي كوني قويه
وتعي نواسي الابجديه
بعرف عالشعر بعدكن صغار
الابجديه ام الحرف هي
تعي حتى نعزي بي الشعار
زغلول بي الشعر والشاعريه
وع روحه نرشرش الازهار
قوافي من ورود مخمليه
فقيد الزجل من صنف الكبار
اشعاره الها هيبه منبريه
ورنة الصوت منها بيغار
العصافير  وطيور بريه
غِني المنبر قصايد واشعار
وافكار تفجرت عبقريه
نحنا وين بعدنا عالنار
حروفنا بعد مش مستويه
اذا بدنا نعزي  هيك شعار
وتكون القصايد لروحهم وفيه
لازم نكتب نفلسف الافكار
ولا تكون قوافينا مستحيه
او خلينا ع باب الانتظار
نغرف من بحر شعره يوميه
خضرخليفه