(شعلة ضو)بقلم الشاعرة " كريستين افرام "

شعلة ضو

شعلة ضو
بعتم الليل
ﻻحت عليي
ليل مظلم
ما منو نوا
ﻻ فيك تشوف
 نجمه ساطعة
وﻻ مزهرية
اركض واوفع
بين نفسي وبين
وعيوني تتوه
عا الميلين
متل مجنون
مش شايف اتنين
خايف من الظلمة
لنازلة عليي
الليل والظﻻم حالك
سواده
وشعلة ضو اجت
مستحية
لك انا النور هو
بيي؟؟!!
بدي شوف خيط
امل!
بدي المح شعلة
ضو؟!
ارسم صور؟!
وشوف احﻻمي
الوردية؟
ولو شو صار بحالي
 وشو نازل عليي
والنور وين النور
ليش عني بعيد
بتلوح...
متل الحلم وشي
غريب انشالله
 تكون
حاسس فيي
قرب صوبي
ﻻتخاف بترجاك
ﻻ تخاف مني
يا نور اﻻمل
يا حقيقة ساطعة
عا الشرية
بترجاك
ﻻ تستحي فيي.

كريستين افرام