(حوار كواكب)بقلم الشاعر " خضر خليفة "

حوار كواكب
يَا شمس زِيحي عني  شوّي
مِش رّح تِقدري علّي
انا القّمر غرام الصّبايا
رُوح الشِعر مِن شِغل دّي
حاضِر أنا بكل المرايا
بيتغّزلوا الحلوين   فّي
شو خَصِّك انتِ بهالقضّايا
يا شمس غِيبي وانسي القضّيه

يا قَمر مَا رح فيك تِنساني
الكل  بيعرف قَدّري و مَكَاني
شمس نُوري ع الكِل  نوّر
وَهجِي خلّا الارّض دِفيَاني
انا عطيتك لونك الاصفر
حتى عملوك شعر وغناني
شُو بِتعمِل ان شِي يَوم يا مَعّتر
ان رَجّعتَك عالعّتِم تَاني

شَمسِاتِك والله جهنّم ونَار
نشفتي  قلبي والمي  بالبّيار
تراب الارض مِن وهّجِك تصحر
 حَرِّك لا سلّم شّب ولا خِتيار
أنا والهمّس بالعّتم بِسّهر
نحكي حكايا منخبي اسرار
مرتاح باختياري  مش محير
عتم ليل ولا حريق نهار

مِن نوري أخضّرِت الورقَات
بقلبي حرارة بتّدوب التّلجات
بخلّي الدِني تكُون مَشمّسي
بتحلى معي القّعده والضّهرات
بتشوف حركه و ناس محمسي
رياضة سباحة وبسكلات
مِش مِتلك سودا مدمّسي
لا حِس فيهَا ولا حياة

هيدي الخناقه رح حِلها
وحط الامور بمحَلها
أمر ربي الكون تا يكون وكان
للقمر والشمس اكد وقلّها
الانسان محور الخّلق عنوان
وعا مّدار الارض دلّها
انتو زينه السما للانسان
مكرُمه من الخالق نِجلها
يا شمس خلّي القّمر سهران
و يا قمر مافيك تقعد محلّها
حلوين تبقوا  سوا جيران
تصّبحوا وتمّسوا الدني كلها
  خضر خليفة