(حضن الحنان)بقلم الشاعر القدير"محمد البلاط"

حضن الحنان يااما
حضن الحنان
شط الامان يااما
شط الامان

سهرانه بتعاندى
النوم وتعدى
كل دقيقه عندى
تطمنى ده نام
وبالغطا تغطى

شياله لحمولى
و بنظره فى عيونى
بتعرفى حالى
وتطببى الألام

فى الدنيا مين غيرك
علشانى بيعارك
وعاملها معارك
مع انس ويا جان

شياله حملى شيل
وعشانى شايفه الويل
سهرانه طول الليل
عشان عنيا تنام

من بدرى تصحيلى
تصحى تصحينى
ومطالبى تقضيلى
وتدعيلى اعود بسلام

انا نفسى اوفيلك
لو جزىء من دينى
عشت الحياه فى خيرك
يا امى دلينى

بس منين وبكام
لو عشت كل العمر
راكع ساجد خدام
مش هوفيلك دينك

حضن الحنان يااما
حضن الحنان
شط الامان يااما
شط الامان

بقلم محمد البلاط