(الأخنوم)للشاعر"السيد أبو طاحون"

قصائد قصيره  ( 16) *** بقلم السيدابوطاحون

عينى على بابك
و السرقه م الشبابيك
يا خانقه اصحابك
  يا زانقه احبابك
ياطالقه كدابك
و مدلعه المماليك
*اروح_لمين

كفايه فتره واحده
الله يرحم ابوك
بطل شغل المناهده
وأبدأ هذا  السلوك
*كفايه
*********

يا صوت و ماله صدى
يا ايد و متقيده
يا رجل متمدده
يا زبيب
يا ضرب الحبيب
تاه المريض والطبيب
ونسينا ضرب العدا
*يازبيب
*********
خوفتني بالجيش
وكأنه مش مصري
والشعب لما يقول
يبقى الكلام حصري
*جيشنا
*********
مين إللى خلى الحزن
يستوطن  القلب
زى اسرائيل
يكتم على نفسى
يزرع بذور ياسى
ويبيع غناوى النيل
فى عز الليل
*كتمه
*********
 الحلم مش ممنوع
أحلم وعللي الصوت
ملعون أبوه الخوف
الصمت هو الموت
*احلم
*********
كيف يكون العيد سعيد
واحنا مش قادرين نعدي ع الحبايب
وأنت يا أقصي بتتألم  وحيد
امتى يا فرح هترجع  باللي غايب
*والاسم عيد

*********
خوفتنا بالجيش
يا أبو الكلام تناتيش
الشعب بيقول لك:
انت ما تعرفنيش
الدايره لما تدور
و الشعب لما يثور
راح تنزنق فى الدور
و ماتنفعكش قصور
ييجى عليك الدور
ما فى طبق مستور
و تنط من ع السور
ويلك من الحرافيش
لو حتى تلبس  خيش
*ويلك
*********

#قصائدقصيره   (16)          
#السيدابوطاحون
#الأخنوم