(حكاية عسل )بقلم الشاعر " السيدابوطاحون"

حكاية عسل
*********
وهنت عليك
تغيب عني
وتوحشني
وأحبك موت
ولما تفوت
ألاقي الدنيا ف  إديا
بتضحكلي بعلو الصوت
وأول بصه تسحرني
اقوم اشرب
واتكهرب
وأنا مبسوط
واعلنها
من اول شوط
لآخر شوط
بحبك موت

ولما تزورني
يا عسلي
ألاقي الشعر يدفق
على قلبي
على الابواب
وع الشبابيك
ونازل م السحاب
يجري
على صدري
كنقر الديك
واغرق في جمال همسك
ولمساتك تقول لبيك
تلاقيني كما الحالم
بقول لبيك

تمر الشفه
ع الشفه
تمر بخفه
تلاوعني
وتخدعني
وتدلع
أقول للحسن
بالراحه
عايز فرصه
عايز اسمع
وكان خايف
لكن طاوع
 من اللهفه
تنام الشفه ع الشفه
وم الرعشه
تقول الشفه للشفه
كمان حفه
كمان لفه
عشان أشبع
وميت حفه
وميت لفه
مابشبعشي
عشان عسلك
مافيش زيه

عزومة قلب يا قلبي
ونور العين
وأصل الحب يا حبي
بنظرة عين
تجمعنا نصير واحد
بدل اتنين
عشان عسلك
مافيش زيه

وليه بس تخجل
يا حته مني
قلبي يا قلبي
ما عاد عارفني
غرقان في بحرك
عقلي وفني
غرقان وعاشق
ديما يغني
افرد جمالك
و خدني ف خيالك
انا نظره منك
وأنت عيونك
حكاية عسل
*********
#حكايةعسل
#الأخنوم
#السيدابوطاحون