(ياجارحين قلبي)بقلم الشاعر " فهد بن عبدالله الصويغ "

((((  يا جارحين قلبي  ))))

يا جارحين              قلبي
ليه         بس     بتجرحوه
جرحتوه      بنار    غدركم
ونسيتوا     يوم       تداوه
ايه    ذنب   قلبي    وياكم
وإنتوا     كنتوا    بتعرفوه
مش دا  القلب  اللي رعاكم
أيام      ما كنتوا   بتسألوه
ليه  النهاردة   تغدروا  حبه
إيه كان  ذنبه  بس  تعذبوه
مش كان  في  يوم  هناكم
ولا كلامكم كلام و بتقولوه
ياما  في  حبكم  ياما  داب
وإنتوا   بهجركم    نسيتوه
ياما   داق    وياكم   عذاب
وإتحمل كتير عشان تحبوه
لا يوم كنتوا قد حبه  ليكم
ولا  يوم    كنتوا   بتراعوه
سنين و هو  كان  مراعيكم
وسنين من ناركم  بتدوقوه
داه ياما قال   فيكم   غرام
وياما  غنى عشان  تسمعوه
حرام    يا جارحينه   حرام
بعد    كل   الحب   تسيبوه
ليه بس   يا جارحين  قلبي
القلب اللي حبكم بتجرحوه

صائغ القوافي الشاعر
فهد بن عبدالله الصويغ
5-9-2017